童年

轉贴

 喺六，七十年代，相機絕對係件奢侈品，冇幾多個家庭可以擁有一部。
喺嗰個年代嘅小朋友，除咗偶然上去影相舖拍一兩張全家福之外，就只有喺去飲嘅場合同啲主人家合照嘅時候，先至會有機會拍底幾張相留念。係咁就可以想像得到喺當時嘅相大多數都係硬嘣嘣嘅，睇起嚟一啲都唔自然，啲表情同姿勢都好滑稽可笑。

講起上嚟，真係要感激啲攝影家，佢哋為咗興趣走遍大街小巷，捕捉稍縱即逝嘅光與影，亦正因係咁，佢哋將們嗰個年代嘅最真摰嘅童年凝固喺菲林同相紙上，然後我哋又經歷咗歲月嘅流轉，世情變，心境都千廻百轉咗幾趟，猶幸嘅係，呢啲黑白照片忠實嘅記錄咗嗰啲毫不修飾嘅喜怒哀樂，愛憎惡恨。

睇著呢啲相，彷彿返返去簡單淳樸嘅童年，而喺相片出現嘅小朋友都仿佛好似係曾經喺童年時代相識嘅朋友，一齊嘻戲過，一齊廝打過。