悠閒 A YI

  山寨廠係指五六十年代喺香港開始興起嘅小型工廠。山寨廠通常規模好細，唔會超過幾十人， 〔超過一百人嘅喺香港已經係大公司〕，有啲甚至得幾個人；工廠面積由幾千呎至百零呎不等。香港大多數工廠大廈都係起畀山寨廠。 喺以前房屋委員會都有起呢類工廠大廈，一幢樓有幾百個單位，而家響好多地方重有； 有啲再舊啲嘅七層式已經拆晒或改建做其他用途，例如喺石硤尾嘅賽馬會創意藝術中心。 山寨廠好多都係家庭式經營 即係話可能個老豆係老闆，老婆又喺度做嘢，個女係會計， 跟住趕工或者仔女放假都會落去幫手之類。 山寨廠通常都無自己牌子，而係幫人或者外國牌子做生產 （喺而家就叫做OEM)同埋做嘅係啲無咁高科技嘅嘢， 初頭係穿膠花、假髮、紡織、車衣之類，重有例如木製品、皮革、塑膠、印刷、玩具、 簡單電子產品等等，乜都有。 到咗90年代，香港工廠搬晒返大陸之後就開始式微，有啲剩係留番個單位做寫字樓或者貨倉。

轉贴  喺六，七十年代，相機絕對係件奢侈品，冇幾多個家庭可以擁有一部 。 喺嗰個年代嘅小朋友，除咗偶然上去影相舖拍一兩張全家福之外， 就只有喺去飲嘅場合同啲主人家合照嘅時候，先至會有機會拍底幾張 相留念。係咁就可以想像得到喺當時嘅相大多數都係硬嘣嘣嘅，睇起 嚟一啲都唔自然，啲表情同姿勢都好滑稽可笑。 講起上嚟，真係要感激啲攝影家，佢哋為咗興趣走遍大街小巷，捕捉 稍縱即逝嘅光與影，亦正因係咁，佢哋將們嗰個年代嘅最真摰嘅童年 凝固喺菲林同相紙上，然後我哋又經歷咗歲月嘅流轉，世情變，心境 都千廻百轉咗幾趟，猶幸嘅係，呢啲黑白照片忠實嘅記錄咗嗰啲毫不 修飾嘅喜怒哀樂，愛憎惡恨。 睇著呢啲相，彷彿返返去簡單淳樸嘅童年，而喺相片出現嘅小朋友都 仿佛好似係曾經喺童年時代相識嘅朋友，一齊嘻戲過，一齊廝打過。

喺 50-60年代嘅香港，因為難民潮，出現咗好多〔盲字 都唔識多隻〕嘅草根基層， 於是制造咗〔代客寫信〕嘅職業 。 為方便客人，寫信佬通常會喺郵局門口擺檔，寫完就入去 買個〔士擔 Stamp〕 貼上郵票就大功告成。 正因係咁，寫信佬喺60年代開始成行成市，各佔有利位置 ，但佢地喺從來唔會搶客，亦都搶唔到，客人幫襯開嘅寫信佬 ，總會繼續幫襯，或者喜歡佢嘅文筆，又或者喜歡佢嘅字體 。 做寫信佬喺要領牌嘅，但喺領嘅喺(小販牌) ,但卻是寫 信服務，真正是〔我唔賣書，我賣信封〕全盛時期。 喺60年代中期，舊油麻地郵政局〔依家嘅露宿者之家〕傍 邊竟然開咗接近成40檔〔代客寫信〕，陣容鼎盛，真喺〔 唔怕你唔識字，最怕你唔知定！〕。 隨著資訊開始發達，教育開始普及，代客寫信嘅生意越嚟越 惡做， 於是啲寫信佬都大搞〔資源增值),兼任〔代客報稅 〕,〔代客翻譯〕同〔代客填表〕嘞。   寫信佬是一種 therapist. 不但懂得聽你傾訴，最重要是懂得引你傾訴，大談心事， 然後他們復述一遍，才起筆。來求寫信旣人條氣立刻順晒。

大家可曾記起 ,喺1960年代非常流行和老少都喜歡睇嘅電視片集Family Affairs（合家歡） 劇中的標叔叔，絲絲，豬仔，小寶同管家法蘭， 可惜此情不再 一啲演員嘅下場甚至可以用悲惨嚟形容。仲有冇人記得小寶拎著嗰個公仔叫做咩名？

飛機欖 飛機欖又叫甘草欖，最先出現喺廣州，之後嚟到香港。 甘草欖形似橄欖，用鹽同甘草等藥材醃製造而成，甘草味濃，酸中帶甜，唔易變壞。 喺1950年代至1970年代，甘草欖嘅流動小販斜背著欖型嘅桶， 喺民居嘅街上面沿途叫賣兼唱賣欖歌。 當年嘅唐樓高度有限，只得幾層高，d客人由露台扔錢俾街上面嘅小販， 咁個小販就掟啲甘草欖俾樓上露台嘅人,佢哋訓練有素,好似放飛機仔， 所以就有飛機欖呢個叫法。 喺香港，人稱「飛機欖之父」嘅郭鑒基，佢喺14歲嗰時，由掟石頭得到靈 感， 就同三個朋友夾份合夥買入當時流行喺廣州嘅小食「甜欖」，再撈入甘草、陳皮、丁香、玉桂、鹽、糖等香料醃製之後包裝，用獨創「掟上樓」嘅方式銷售。 聽講佢醃製嘅飛機欖酸中帶甜，又唔易變壞，而且甘草有止咳、潤喉等功效，好受街坊歡迎。 喺1970代高峰時期，佢每日做2個鐘頭就掟咗約200份（大約10斤）嘅飛機欖上樓。 賣欖歌（郭鑒基） 咁靚嘅飛機欖，的確係冇得彈。生津止咳，下火又除痰。 若有傷風兼病患，我負責寫包單，你食咗至好行。 想買企定嚟，我飛粒畀你，你唔好眨眼。 好靚嘅夫妻和順欖，包你兩公婆食咗冇得彈

〔 1970年代〕 尖沙咀火車總站.  傍边有噴水池 ,仲有人力車等客 那時代人力車還盛行

   喺六十年代要返鄉下〔大陸〕絕對喺件大事，而且非常麻煩及嚴肅嘅事， 我阿媽每次回家鄉 就必去國 貨 公 司 買日用品 ,其他地方買嘅嘢怕被國內嘅海關扣留〕． 想起大陸當年旣生活，物資短缺嘅情況，相信唔喺80年後嘅年青人可以想像得到嘅事． 六，七十年代香港人要返大陸就得經過羅湖嘅入境管制站，嗰度係一個非常麻煩同費時嘅程序． 入到大陸嘅管轄區內，你即時可以感到一股肅殺嘅氣氛凝聚喺空氣之中，個人都覺得緊張起嚟．啲解放軍好嚴肅咁企喺面前，而周圍又係一張又一張嘅政治標語，喺此情此景人嘅精神會唔自覺咁繃緊，心跳都自然咁加速起嚟． 嗰個時候大陸嘅羅湖聯檢大樓其實只係一間較大冇棚嘅鐵皮屋，而過關嘅程序又複雜． 香港 人揸著啲證件當然唔喺好似依家可以經e- 道過關嘅回鄉證啦， 而喺一張叫做〔回鄉介紹書〕嘅文件．入到大陸管轄嘅羅湖區後先要將〔回鄉介紹書〕 遞交俾大陸嘅關員，然後就呆坐喺度等叫名，再按次序走入去一間房仔度接受查問； 一般係了解入境者嘅背景同埋入境原因等，如無意外 就可完成成 查問過程同放行． 不過 等候過關嘅人實太多，論到你有可能是下午接近關員收工的時間了 若是不少心帶報紙雜誌等，行李度夾集咗呢啲敏感嘅嘢，而啲內容又同大陸嘅政治路線相桲時，一旦過關時俾人搜出，咁後果輕嘅喺會被拒入境，重嘅可能會俾大陸有關部門扣留調查， 問題喺可大可小，所以一般香港人返鄉下時喺呢方面都會特別留意 可憐重親情的老媽為了鄉中親人 ,忍氣吞聲 ,仲安慰我地 ,同志盡責是啱的 , 只要不帶他們不准就好 . 但每次見她用担挑担住大袋小袋左晃右回鄉 ,舉步艱辛的樣子 ,心痛她 , 可借當日年纪细 ,無法幫上忙 .

舊日香港事 ,脑友 ,你可記得和知道幾多呢? 同你地分享 ,轉載''廣東話资料館'' 轉載幾集香港話當年. 以前香港还未有咁多高楼大厦 ,四季分明 ,每年旣秋天氣温就好凍 ,寒風刺骨 ,嚴冬更加冰冷 ......... 那時保暖的贴身內衣 ,質量最好就是產品莫於鹿牌線衫了 . 論好質地又大眾化有可保暖的羊仔毛衫外套就只有一間''陳更換'' 但以當年打工仔工资有限來講 ,兩問當年喺萛好貴  ! 唔喺人人買得起的 呢張相就喺1965年旺角廣東道混雜的街市，左邊可以見到一間叫〔包辦筵席〕嘅舖頭， 右邊可以睇到鹿牌線衫嘅廣告。 鹿牌線衫係由馮薵如喺1923年創辦嘅「利工民織造廠有限公司」生產. 差唔多有華僑嘅地方都有鹿牌線衫，利工民線衫到依家仍然喺香港生產,喺百分之百嘅香港牌子。