day 6

12/12/2012

今日又到另一個島 科茲美 (COZUMEL), 喺墨西哥黎嘅, 又喺第二次去.

今日計劃喺去TEQUILA 農場同去玩SEA TREK (喺潛水一種, 但帶住個頭盔落海既, 唔識游水都無問題)

可惜喺一出船, 外面正落着微雨, 見雨勢並唔大, 所以都唔理它, 繼續行程

我地先經過碼頭商店. 搵到個的士站 ,同果位站長講我地今日要去的地方, 傾掂數就出發, 點知一上車, 雨開始大喇 !......心諗 "點算呀?"

差唔多就到TEQUILA 農場時, 好彩停了雨......

我地跟住導遊行同聽講解TEQUILA點整出黎.....

原來TEQUILA 跟菠蘿同科架, 難怪個樣無左D葉後咁似樣啦.......

之後我地又試酒....當然買番兩瓶返黎.....試左好多種味, 都喺呢隻綠色LIME 味道比較好飲,

又唔辣口...

.(綠色個瓶就喺喇, 啡色個支喺純TEQUILA, 2年以上, 就咁飲, 唔溝其它野飲架, 好辣口)

參觀完, 試完酒就離開農場前往潛水.....點知行到半路又開始落雨, 當我地到達潛水地方時.....已經好大雨. 我地BOOK既時間又未到, 就去左對面超市行一陣....

(依家諗番轉頭真係有D後悔. 如果唔去超市, 直接去問潛水公司可唔可以提早

可能這個很程會開心多D.......)

我地入左超市不久, 就下着傾盆大雨 ,似落黑色暴雨咁, 無停過.......由於雨太大啦, 我家總理怕有危險 ,唔准我地去潛水.....
結果滯留在超市 (有好多遊客都喺都–樣逗留在里面)...坐左一陣決定走....

可能因為當時雨落得太大, 搞到心情低落....連做決定都做得唔好, 我應該搭的士去隔哩既大商場 (3分鐘車程) SHOPPING好過.
點知我竟返去船公司介紹果個商店...原來全是賣金銀珠寶手表 ,.結果乜都無得睇...唔駛15分 ,總理叫走.......無計 ,我地唯有坐的士返碼頭再上返船 ......

喺碼頭既店逛下, 然後返上船, 點知途中發現雨停了......真喺好激氣呀.....返轉頭又唔得, 因為已經過左 APPOINTMENT 時間,

再俾錢到DOWN TOWN SHOPPING又好似唔抵(其實依家諗番這些想法是很笨,

無計, 一場大雨破壞了行程連思維都打亂....), 結果返上船食午飯. 我地兩佬午睡休息, 女女就周圍行, 就圍食.....坐下.....
後來去埋健身, 打發時間.....女女喺甲板上遠望市區就覺得好唔開心......心諗點解唔喺依家落雨, 做乜喺朝早落呀 !.......失去咁好的機會去潛水.....

由於佢太唔開心.....去左食雪糕, 都唔夠, 再去小蛋糕店食俾錢買蛋糕仔.......

這些蛋糕喺唔喺整得好靚呢, 其實呢間店有教人點裝飾架...不過要俾$25, 佢唔捨得0羅.......

無無聊聊, 悶悶不樂過左個下午, 因為無SHOW 要趕, 又唔想排隊等食飯, 不如7:15分先落去. 結果真係唔駛等重好快有枱........

嗯 !今晚呢餐食又唔錯 ,幾好味.........個磨菇湯好有磨菇味, 好濃, 好飲...總理要份炸蟹餅, 我要份煙鴨胸肉沙律, 好惹味...

主菜亞女點左鴛鴦牛肉.......有85分.....我地兩老點左炸雞, 但我覺得淨係D飯好食.......OH MY

今日無人想食甜品, 最後淨喺叫左個雪糕